Mibutyag si PCOL Jovit Culaway, Provincial Director sa Bukidnon PPO, kang PBGEN Jaysen C. De Guzman, Regional Director, kabahin sa duha ka operasyon batok sa smuggled nga sigarilyo sa syudad Malaybalay ug Lantapan, Bukidnon.
Nakita sa kapulisan ang usa ka lalaki nga nagdala og kahon sa gi-dudahang smuggled sa Purok 1, Brgy. Sumpong, Malaybalay City.
Midagan ang lalaki ug gibiyaan ang mga kahon nga miresulta sa pagkakuha sa 222 ka pakete sa sigarilyo nga walay health warning nga nagkantidad og P17,550.
Samtang sa Purok 3, Brgy. Bantuanon, Lantapan, mipahigayon usab og operasyon ang Lantapan MPS nga miresulta sa pagkumpiska sa 19 ka reams nga smuggled nga sigarilyo nga nagkantidad sa P15,200.
Ang mga illegal nga sigarilyo, gidala sa kustodiya sa kapulisan alang sa tukmang disposasyon.
Mipadayag si PCOL Culaway, og pagpasalamat sa mga tanang kapulisan ug nagpasalig kini nga padayonng pakigbatokan ang mga illegal nga sigarilyo hangtod madakpan ang matag violator ug matag counterfeit nga produktong nasakmit.