Kapin PHP2,080,800 ang kantidad sa ginadiling drugang shabu nga nakumpiska sa usa ka drug buy-bust operation sa lungsod sa Maramag, Bukidnon, nga misangpot sa pagdakop sa unom ka indibidwal.
Sa eksklusibong pakighinabi sa Bombo Radyo Malaybalay kay PLTCOL Alexander E. Eugenio, hepe sa Maramag Municipal Police Station, nga ang mga nasikop nga mga lalaki nag-edad 23 hangtod 45 anyos, nga mga residente sa Maramag, Bukidnon ug usa gikan sa Davao del Sur.
Ang giingong main target sa operasyon usa ka indibidwal nga kaniadto nang naaresto niadtong 2023 tungod sa kaparehong kaso sa ilegal nga droga, samtang ang lima ka uban giingong mga first time offenders.Gituohang ang naggikan ang maong mga droga sa Wao, Lanao del Sur.Kasamtangang walay trabaho ang tanang mga suspetsado ug gipa-ilawom nasa drug test kagahapon.
Anaa na karon sa kustodiya sa Maramag MPS ubos sa Bukidnon Police Provincial Office ang mga nadakpan samtang giandam ang pormal nga pagsaka sa kaso.