Giila isip pinakadelido nga café sa kalibutan ang Gushi Cliff Coffee sa southeastern China tungod nahimutang kini sa kilid mismo sa usa ka habog nga pangpang, 60 metros ibabaw sa lebel sa dagat, nga katugbang sa 20 ka andana sa usa ka building.
Sumala sa report, dili basta-basta makaduol ang mga turista sa maong coffee shop; kinahanglan una sila maglakaw og 30 minutos sa usa ka via ferrata trail ug mag-rappel paubos uban sa usa ka instructor aron makaabot sa mga rectangular platforms nga nagserbisyo isip lingkuranan.
Ang presyo sa usa ka tasa sa kape nagkantidad og 398 yuan (mga P3,200), apan giingon sa tag-iya nga apil na niini ang insurance, safety equipment, serbisyo sa guide, ug walay limitasyon sa oras sa pagpabilin sa platform.
Gibuksan kini kaniadtong 2004, apan bag-ohay lamang kini nga na-viral sa social media tungod sa mga nakahadlok apan breathtaking nga videos sa mga turista nga misulay sa talagsaong kasinatian.