Mipadayag ang mga nag-organisar sa global signature caravan nga “Tay Kami Naman” kagahapong adlawa sa Malaybalay City aron ipangayo ang paspas nga desisyon sa korte suprema sa upat ka pending cases batok sa kanhi Presidente Rodrigo Duterte nga anaa sa The Hague.
Sa pakighinabi sa Bombo Radyo Malaybalay, gibutyag ni Joie Cruz, organizer sa “Tay kami naman” signature campaign, nga ang kampanya usa ka grassroots effort nga walay politikal nga pondo o padrino, ug gisugdan pinaagi sa gugma ug suporta sa mga Pilipino alang sa kanhi presidente.
Giingon usab ni Paulo Canilo Te nga ang mga Pilipino sa gawas sa nasod makapartisipar pinaagi sa website diin makadownload ug makapadala sa ilang mga pirma.
Gipatin-aw nila nga ang kampanya nag-awhag sa hustisya alang kang Duterte ug sa pagpanalipod sa mga Pilipino nga posibleng maatubang og dili patas nga proseso sa gawas sa nasod, samtang padayon ang caravan sa ubang lungsod sa Mindanao, Visayas, ug Luzon.