Magpatawag og congressional briefing si Ilocos Norte Rep. Ferdinand Alexander “Sandro” Marcos aron masubay ang nagkagrabeng tensyon sa Middle East ug masiguro ang kaluwasan sa mga Overseas Filipino Workers kon OFWs.
Sa mando sa liderato sa Kamara ubos ni Speaker Faustino “Bojie” Dy III, magpahigayon og joint briefing sa Marso 11, 2026 ang House Committees on Foreign Affairs ug Overseas Workers Affairs.
Imbitahon matud pa sa maong briefing ang Department of Foreign Affairs ug Department of Migrant Workers aron maghatag og datos ug taho sa kahimtang sa seguridad, gidaghanon sa mga Pilipino sa apektadong lugar, ug mga contingency plan sama sa evacuation o repatriation kung gikinahanglan.
Gipasiugda ni Marcos, nga dako ang papel sa OFWs sa ekonomiya sa nasud ug gihatagan og gibug-aton ang panginahanglan sa kaandam sa gobyerno sa pagpanalipod sa kaayohan sa OFWs.