Giila sa Department of Agriculture sa rehiyon ang isyu sa baho nga bugas nga usa sa mga gikabalak-an labot sa posibilidad nga adunay hagit ug pagsulay pagbaligya sa bugas.
Hinuon, kampanti ang Department of Agriculture sa rehiyon nga gina-ampingan sa NFA ang ilang mga produkto.
Matud pa ni Director Jose Apollo Pacamalan, Regional Executive Director DA-10, nga ila ng gisusi ang bugas aron masiguro nga dili kini masagulan og bokbok nga klase sa bugas ug masiguro nga maayo ang kalidad sa pagkaon nga gikonsumo sa mga huyang nga sektor aron dili kini mahimong isyu.
Dugang pa, nga naningkamot matud pa ang Department of Agriculture aron matubag ang mga panginahanglanon ug mapatuman ang mga sumbanan sa kaluwasan sa pagkaon, lakip na ang suplay niini.
Gipadayag ni Pacamalan, atol sa pakighinabi sa Bombo Radyo Malaybalay nga kinahanglan nga dunay saktong proseso sa pagapod-apod sa baratong bugas aron dili mahurot ang suplay ug husto ang distribusyon sa matag lugar.
Matod ni Pacamalan, sa higayon nga maapod-apod na ang bugas ngadto sa mga local government units, kinahanglang ilista ang mga nakapalit sa baratong bugas.
Target niini ang mga huyang nga sektor sama sa single mothers, PWDs, senior citizens, ug uban pang lugar nga adunay taas nga lebel sa kakabos.
Dugang ni Pacamalan nga ang paapod-apod sa baratong bugas gibase sa listahan sa mga local government units ug sa DSWD.