Daghang tawo ang nagkasakit human giablihan ang usa ka kadudahang package nga nadawat sa base operation sa Air Force One.
Sumala sa usa ka opisyal sa Joint Base Andrews (JBA) sa Maryland, gibakwit dayon ang mga tawo gikan sa maong establisyemento samtang ang mga nagkasakit karon anaa na sa maayong kahimtang.
Ang maong package giingong adunay sulod nga white powder nga posibleng nasimhot sa mga personnel.Gidugang pa nga adunay mga materyales nga political propaganda ang naa sa sulod sa pakete.
Gipahigayon usab sa mga otoridad ang imbestigasyon ug nagpamatuod nga walay nakita nga hulga sa kinabuhi gikan sa insidente.
Ang Joint Base Andrews mao ang lokasyon sa US presidential plane nga Air Force One, ug kasagarang gamiton sa presidente sa Estados Unidos kon mobiyahe.