Nagpagawas og subpoena ang House Committee on Justice batok kang Ramil Lagunoy Madriaga, nga giingong “bagman” ni Sara Duterte, bahin sa imbestigasyon sa paggamit sa confidential funds.
Gimanduan si Madriaga, nga kasamtangang nakabilanggo sa Camp Bagong Diwa, nga motambong sa pagdungog sa impeachment proceedings sa Abril 14, 2026, alas-10 sa buntag sa House of Representatives.
Gihangyo usab kini nga dad-on ang orihinal nga mga dokumento, lakip ang usa ka affidavit nga may petsang Nobyembre 29, 2025, ug uban pang ebidensya nga may kalabotan sa giingong pagdumala ug pag-apod-apod sa confidential funds gikan sa Office of the Vice President ug Department of Education.
Sumala sa Komite, importante ang iyang testimonya ug mga dokumento aron matino kung adunay igong basehan ang mga reklamong impeachment batok kang Duterte.