Ipahamtang sa House Committee on Justice ang subpoena sa income tax returns ni Vice President Sara Duterte ug sa iyang bana nga si Atty. Manases “Mans” Carpio, ingon man ang VAT returns sa tanang negosyo nga nakalista sa State of Assets, Liabilities and Net Worth (SALN) sa bise presidente gikan 2023 hangtod 2024, sumala ni Bicol Saro Party-list Rep. Terry Ridon.
Gawas niini, ipahamtang usab ang subpoena sa SALNs ug bank transactions sa magtiayon.
Base sa 2024 SALN nga gisumite ni VP Sara, adunay siya’y P88 milyon nga net worth, apan ang accumulative salary niya gikan 2007 hangtod 2024 diin nagrange lang sa P30 milyon hangtod P40 milyon.
Sumala ni Ridon nga kinahanglan ipasabot sa bise presidente ang questionableng gap, nga mahimong masulbad pinaagi sa “other lawful income” gikan sa iyang law practice ug business interests nga nakalista sa SALN .
Gikinahanglan nga masusi sa impeachment proceedings ang revenue sulod sa 17 ka tuig, nga nagrange sa P200 milyon hangtod P400 milyon, aron mapakita ang P50 milyon nga kakulang tali sa accumulative salary ni VP Sara ug sa iyang net worth sa 2024. Una pa niini, gihangyo ni Rep. Chel Diokno ang Justice Committee pinaagi sa sulat nga mag-isyu og “subpoena duces tecum” alang sa pipila ka dokumento, lakip na ang makahatag kahayag sa business interests ni VP Sara ug Atty. Mans Carpio.
Lakip sa gipangayo nga dokumento ang sertipikasyon gikan sa Anti-Money Laundering Council (AMLC) bahin sa kadudahang mga transaksiyon nga konektado sa mga account sa magtiayon ug sa kanhing Presidente Rodrigo Duterte.
Sumala sa Justice Committee, mahimo nilang ipa-subpoena ang bank records gikan 2007 hangtod karon aron masuta ang dili mapasabot nga bahandi ug imbestigahan ang alegasyon sa korapsyon.