John Estrada, kompiyansa sa desisyon sa anak nga si Kaila sa isyu sa relasyon kang Daniel Padilla

Kompiyansa ang beteranong aktor nga si John Estrada nga kabalo ang iyang anak nga si Kaila Estrada sa mga desisyon nga iyang gihimo, ilabi na kon bahin sa pakigrelasyon.

Mainiton nga hisgutan karon sa social media ang matud pa espesyal nga relasyon tali sa anak nila ni John ug ni Janice de Belen ug ang actor-singer nga si Daniel Padilla.

Makadaghang higayon na nga nakita silang gakuyog bisan human na matapos ang ilang teleserye.

Matod pa ni John, si Kaila usa na ka hamtong, ug aduna kini pagsalig sa iyang panghunahuna ug kaalam.

Wala man pud kini gibuhat nga dautan. Kompiyansa ang aktor nga unsa man ang iyang desisyon sa kinabuhi, giplano ug gihunahuna kini pag-ayo.

Dugang pa ni John, sa taknang panahon mutubag si Kaila sa mga pangutana.