Gibutyag ni Israeli Prime Minister Benjamin Netanyahu nga ang ilang gihimong pag-atake batok sa Iran usa ka lakang aron maprotektahan ang kinabuhi sa mas daghang katawhan ug mapugngan ang paghimo og nuclear weapons.
Matud pa ni Netanyahu, gikinahanglan ang maong lakang aron unhan ang Iran sa ilang tinguha nga makabaton og hinagiban nga giisip nga usa ka dakong hulga sa kinabuhi sa matag tawo sa tibuok kalibutan.
Gipahayag sa Prime Minister nga ang maong aksyon dili lang alang sa pagdepensa sa kaugalingon sa Israel, kon dili usa usab ka paagi sa pagprotekta sa uban pang kanasuran gikan sa posibleng katalagman.
Dungan niini, gipaabot ni Netanyahu ang iyang pasalamat ngadto kang US President Donald Trump tungod sa mga lakang niini nga sumala pa nakatabang sa pagsalbar sa kalibutan gikan sa peligro.
Nagpabilin nga taas ang tensyon sa rehiyon samtang gihingusgan sa Israel ang ilang baruganan batok sa nuclear program sa Iran.