Iran, nagbahad nga bombahan ang mga Oil Companies nga kaalyado sa Estados Unidos

Nagpagula og seryosong pagbahad ang Iranian Armed Forces nga ilang bombahan ang mga pasilidad sa enerhiya sa mga kompanyang kaalyado sa Estados Unidos sa maong rehiyon kon duna pay mahitabong pag-atake sa ilang mga oil infrastructure.

Kini nga bahad gihimo human sa pagpamomba sa US sa Kharg Island, ang nag-unang terminal sa lana sa Iran. Sumala sa militar sa Iran, andam silang “pulboson” ang mga pasilidad sa mga nasod nga nagsuporta sa Amerika.

Bisan pa niini, gipahayag sa mga opisyal sa Iran nga nagpabilin nga normal ang operasyon sa Kharg Island ug wala’y kinabuhi nga nakalas sa maong pag-atake.

Ang Kharg Island mahinungdanon kaayo sa ekonomiya sa Iran tungod kay dinhi moagi ang hapit tanang exports sa ilang lana.