Gitinguha karon sa Bukidnon Provincial Highway Patrol nga mas mapakunhod pa ang insidente sa carnapping sa lalawigan sa Bukidnon.
Sa eksklusibong pakighinabi sa Bombo Radyo Malaybalay kang PMAJ Neil Edward Retana, Provincial Officer sa Bukidnon Provincial Highway Patrol, gipadayag niini nga mikunhod na ang kaso sa carnapping sa probinsya.
Sumala niini, sa unang bulan sa tuig 2026, usa lamang ka insidente sa pagpangawat og motorsiklo ang natala sa lungsod sa Don Carlos, nga nasulbad gilayon.
Ang suspek niini duha ka menor-de-edad nga naturn over na usab sa Department of Social Welfare and Development.
Kahinumdoman nga sa miaging tuig, siyam lamang ka insidente sa carnapping ang natala sa lalawigan, diin walo niini mga motorsiklo.
Kadaghanan sa mga insidente matud pa, nalambigit sa mga sakyanang gipark sa wala’y dili luwas nga lugar, hinungdan nga gihangyo usab sa kapulisan ang publiko nga magmatngon ug motuman sa mga angay nga lakang sa pagpanalipod sa mga sakyanan.