Giklaro sa usa ka opisyal sa rehiyon ang kahulugan sa kasamtangang inflation rate nga 1.4 porsyento, ug giila kini nga positibong indikasyon sa ekonomiya nga masabtan bisan sa kasagarang mamumuo.
Gipadayag ni Ray Talimio Jr., co-chairman sa Economic Development Committee sa RDC-10, sa pakighinabi sa Bombo Radyo Malaybalay, nga ang 1.4% inflation rate sa bulan sa Hunyo nagpasabot nga hinay ang pagsaka sa presyo sa mga palaliton. Gisaysay niya nga ang inflation usa ka scientific calculation nga gibase sa datos nga gikuha sa Philippine Statistics Authority (PSA), ug gikinahanglan kini aron masuta ang kabag-ohan sa purchasing power sa kwarta. Â Gipahayag usab ni Talimio nga gikan Enero hangtod Hunyo 2025, ang average inflation rate mitungtong sa 1.8%, nga mas ubos sa target range sa Bangko Sentral ng Pilipinas ug sa gobyerno nga 2% hangtod 4%.
Sa Mayo, naabot kini og 0.3%, samtang ang labing taas nga narekord mao ang 2.8% niadtong Enero. Gikalipay sa RDC-10 ang maong resulta tungod kay kini nagpakita nga napugngan ang paspas nga pagsaka sa presyo sa mga produkto ug serbisyo. Gilauman nga pinaagi sa padayong datos ug tukmang impormasyon, mapalig-on pa ang ekonomiya ug maampingan ang interes sa katawhan, ilabi na sa mga ordenaryong lumulupyo nga unang apektado sa epekto sa inflation.