Walay mahatud nga kaayuhan sa katawhang Pilipino ang impeachment trial batok kang Bise Presidente Sara Duterte kay magdala lamang kini ug panagbahin bahin sa gobyerno.Sumala ni Atty. Orly Vicente Montalban, usa ka law practitioner, nga ang impeachment usa ka seryoso ug sensitibong proseso, apan dili kini angay gamiton nga pulitikal nga armas, ilabi na sa kasamtangang kahimtang sa nasud.
Dugang ni Montalban, dili kini angay buhaton sa kasamtangan kay , daghan pa ug dagkong problema nga napasagdan—sama sa ekonomiya, kahimsog, ug seguridad. Angay unta nga mga lider magtinabangay, ug dili magbinangaay. Gawas matud pa nga samtang legal nga opsyon ang impeachment, dili kini ang prioridad nga angay buhaton karon. Lantaw ni Montalban, kung ipadayon kani, mosamot lang ang pagkabahinbahin ang pamalaod sa nasod ug gikinahanglan pagfocus sa kaayohan sa nasod, dili ang panagbangi.
Nakita sa abogado nga lig-on ang suporta kang VP Duterte gikan sa mga local leaders ug sa ubang sektor, samtang ang Malacañang nagpabiling hilum sa isyu. Samtang nagpadayon ang diskusyon, ang mga eksperto mipahimangno nga kinahanglan una ang panaghiusa ug panagbinayloay og ideya para sa tibuok kalambuan sa Pilipinas.