Gipadayag karon sa usa ka ekonomista ang dakong kabalaka sa posibleng labing lala nga epekto sa ekonomiya sa nasud tungod sa nagpadayon nga mga isyu sa impeachment ug sa misamot nga tensyon sa West Philippine Sea.
Sa eksklusibong pakighinabi sa Bombo Radyo Malaybalay kang Ray Talimio Jr., kanhi opisyal sa Oro Chamber ug miyembro sa Economic Development Committee sa Regional Development Council Region X, nga taliwala nga natapos na ang impeachment batok kang Presidente Ferdinand Marcos Jr., nagpabilin gihapon ang kabalaka sa sektor sa ekonomiya tungod sa laing impeachment complaint kang Bise-Presidente Sara Duterte.
Matud pa ni Talimio, mas dako pa ang posibleng kadaut sa ekonomiya kon gitawag niining “severe negative effect” nga mahimong makapahinay sa pagsalig sa mga lokal ug langyaw nga investors.
Gikasubo usab ni Talimio, nga bisan pa man nga wala’y nasinati nga pandemya ang nasud, mikunhod gihapon ang kalihukan sa ekonomiya, dili lamang tungod sa mga internal nga isyu sa politika apan lakip na usab sa nagpadayon nga tensyon sa teritoryo sa West Philippine Sea.