Hugot nga gitumbok ni Senator Juan Miguel “Migz” Zubiri nga dili angay iprayuridad o dalion sa pagakakaron ang isyu sa pagpasaka og impeachment complaint batok sa presidente apan kinahanglan unahon pagsumpo ang halapad nga korapsyon.
Gumikan mao kini ang labing hinungdan sa kalisod ug dagkong problema nga gisagubang sa nasud.
Subling gihatagan usab og katin-awan niini nga walay kalambigitan ang probinsya sa Bukidnon sa mga isyu sa korapsyon sa pondo sa gobyerno ilawom sa iyang pagdumala ug pagka-senador.
Giklaro niini nga wala kini manginlabot sa bisan unsang matang sa pondo o proyekto sa kagamahan ug gitugyan niini ngadto sa matag departamento nga adunay responsibilidad sa pagpatuman niini.
Matud sa senador, mao kini ang gitudlo kaniya sa iyang amahan nga kanhing gobernador sa kaniadto.
Subay niini, hingpit usab nga gitutukan sa senador ang pagpalambo sa ekonomiya sa probinsya busa usa kini sa nagsuporta sa pag-abli sa detour road sa Palacapao, Quezon Bukidnon kagahapong adlawa uban ni DPWH Sec. Vince Dizon aron mahibalik ang normal nga dagan sa biyahe lakip na kahimtang sa negosasyon sa pagsulod-gawas sa mga produkto ngadto sa lain-laing lugar.