Gideklara sa house committee on justice nga adunay igong basehan o “sufficient in ground” ang ikatulo ug ikaupat nga impeachment complaints batok kang Vice President Sara Duterte.
Tungod niini, gikatakda na sa Kamara ang serye sa mga initial hearing dates aron pormal nga sugdan ang proseso sa paghusay sa maong mga reklamo.
Ang unang hugna sa hearing mahitabo karong Marso 25, nga pagasundan usab sa Abril 14, Abril 22, ug Abril 29.
 Kahinumduman nga gikumpirma ni House Committee on Justice chair Rep. Gerville Luistro ang pagsumite sa 15 pages nga tubag ni Vice President Sara Duterte sa duha ka impeachment complaints batok kaniya.
Sumala ni Luistro, pirmado kini sa 16 ka abogado sa Presidente.
Gihatagan usab og gibug-aton sa Committee chair ang agenda sa deliberasyon karong adlawa—kung aduna ba’y igong basehan o sufficient in grounds ang mga reklamong impeachment batok sa Bise Presidente aron kini mopadayun sa pagdungog.
Dugang niini nga angayan lamang nga kung bug-at ug seryoso ang akusasyon kinahanglan usab ang lig-on nga katin-awan.