Gipahayag sa House Committee on Legislative Franchises nga pabilin silang abli sa pagpahigayon og imbestigasyon kalabot sa giingong paglapas sa prangkisa sa solar energy firm nga gipanag-iya ni Batangas Rep. Leandro Leviste.
Matud ni Rep. Antonio Albano, magdepende ang pagsugod sa pakisusi kung dunay mosang-at nga pormal nga resolusyon gikan sa mga sakop sa Kamarabaha.
Hinuon, nanawagan si Albano og pag-amping sa pagpagawas og mga komento samtang wala pay lig-on nga ebidensya nga napresentar aron malikayan ang pagpihig o prejudice sa kaso.
Sa iyang bahin, nidepensa si Rep. Leviste ug andam siyang atubangon ang bisan unsang alegasyon.
Pasalig niini, andam ang iyang kampo nga mopakita og mga dokumento nga magpamatuod nga nagsunod sila sa balaod sa ilang prangkisa.Gipaabot nga mahisgutan ang maong isyu sa pagbalik sa sesyon sa Kongreso karong Enero 26.