Hamas, miuyon na sa gihatag nga peace proposal sa Israel

Misuporta na ang Hamas sa pinakabag-ong peace proposal nga giduso sa mga regional mediators.

Ang maong proposal nga gikan sa Egypt ug Qatar naglakip sa pagpagawas sa mga bihag ug sa ceasefire deal tali nila sa Israel.

Base kini sa two-stage framework nga gipresenta kanila ni US envoy Steve Witkoff niadtong Hunyo.

Sa maong kasabutan, buhian sa Hamas ang kapin tunga sa 50 ka nabiling Israeli hostages.

Sa maong mga bihag, 20 niini buhi ug buhian kini pinaagi sa duha ka batch sa sulod sa 60 ka adlaw nga ceasefire hangtod maangkon ang permanente nga paghunong sa gubat.

Nagalaum ang mga mediators nga motubag usab ang Israel nga kaniadto nagpahayag nga mouyon lamang sila kung tanan nga mga bihag buhian na.