Nangitlog sa ikaduhang higayon ang usa ka Brazilian rainbow snake og 12 ka buok ka itlog bisan pa walay kapares nga lalaking halas.
Giatiman ang maong mananap sa City of Portsmouth College sa Portsmouth.
Sumala sa animal management center sa kolehiyo, ang maong bitin nga ginganlan og Ronaldo, una nang nakapanganak og 14 ka anak niadtong 2024 bisan wala siyay kontak sa laing halas.
Karong higayona, nakapanganak na usab siya og 12 ka buok.
Kining talagsaong panghitabo gitawag og parthenogenesis, usa ka proseso diin makapanganak ang usa ka mananap bisan walay kapikas.
Talagsa ra kini mahitabo sa Brazilian rainbow boa ug giingong ikatulo pa lamang kini nga kaso nga nadokumento.
Si Ronaldo usab ang unang nahibal-an sa iyang klase nga nakahimo niini og duha ka beses.
Dili lang sa mga bitin makita ang parthenogenesis. Natala usab kini sa ubang mananap nga giatiman sa pagkabihag, sama sa usa ka iguana sa The Exotic Zoo sa Telford nga nakapusa og walo ka anak bisan wala makighilawas og laki.
Sa laing panghitabo, usa ka swell shark ang napusa sa Shreveport Aquarium sa Louisiana bisan duha ra ka babayeng iho ang anaa sa tangke.