Haduol nga eleksyon, rason sa nagkadaghan nga impeachment complaint batok sa mga lider sa nasud

Nahimong mainit nga hisgustanan karun ang isyu sa pagpsang-at og impeachment complaint batok sa mga opisyal sa gobyerno ilabi na kang presidente Ferdinand Marcos Jr., ug bise presidente Sara Duterte.

Matud ni Atty. Oscar S. Moreno, usa ka propesor ug abogado, dili matud pa kalikayan ang maong kalihukan sa nasud ilabi na nga haduol na ang eleksyon.

Gipasabot usab sa eksperto nga ang impeachment usa ka administrative remedy o usa ka pamaagi sa pagpakgang sa political dynasty practices sa nasud ug kadtong mga opisyal nga anaa sa katungdanan diin nakatgamtam og espesyal nga proteksyon gikan sa batakang balaod.