Usa ka lalaki nga pulis sa Argentina ang nakadaog sa kaso batok sa higanteng tech company nga Google, human niini gipagwa ang iyang hubo nga hulagway samtang naaa atubangang sa iyang kaugalingong panimalay pinaagi sa Google Street View niadtong 2017.
Bisan pa man nga dili klaro ang nawong sa biktima sa maong larawan, nailhan gihapon siya sa ilang komunidad diin kay klaro ug makita ang kumpletong address niini, hinungdan nga napakalawan kini ug nakasinati og panaway, lakip na ang pagangatake sa personal nga paagi.
Sa sinugdan, gisalikway ang iyang reklamo sa korte, apan sa iyang pagsumite og apela, gipaboran siya sa mas taas nga korte nga giuyunan ang iyang katungod sa privacy.
Sumala sa korte, sayop ang Google sa pag-publish sa maong litato nga walay pagtugot, ug kini usa ka klarong paglapas sa pribadong kinabuhi sa usa ka indibidwal.
Giingon pa sa desisyon nga bisan pa nga mubo lang ang koral sa balay sa pulis, dili kini igo nga rason aron kuhaan siya og hubo nga larawan ug i-post kini sa publiko.
Gumikan niini, nakabayad ang Google ngadto sa biktima og 16 million Argentine pesos, nga katugbang sa kapin 700,000 ka pesos sa Pilipinas, isip bayad sa kadaot sa dignidad ug emosyonal nga kasakit nga iyang nasinati.
Ang maong desisyon giila nga dakong kadaugan alang sa katungod sa privacy sa mga ordinaryong tawo batok sa mga dagkong teknolohiya nga kompanya.
Kini usab usa ka pahimangno nga ang teknolohiya kinahanglan gamiton nga may respeto sa kinabuhi ug katungod sa uban.