Gitutukan sa Cybercrime Investigation and Coordinating Center (CICC) ang usa ka bag-ong modus sa mga hackers aron makapangbiktima.
Sumala kang Usec. Renato “Aboy” Paraiso, Acting Executive Director sa maong ahensya, sa dili pa matapos ang tuig, ilang gibantayan ang pagsulod sa nasud sa mga ginabaligyang “malicious cables.”
Matod niini, kining mga cable murag ordinaryong charging cable, apan sa tinuod, pamaagi na kini sa mga hackers aron masudlan og virus ang usa ka device.
Tungod niini, nagmonitor ang ahensya sa maong klase sa mga cable aron madakpan ang mga responsable sa pagpakalat og virus nga gigamit sa pagkontrol sa cellphone sa mga biktima.
Dugang pa niini, gibantayan usab sa ahensya ang Radio Frequency Identification kon (RFID) devices.Sa maong sistema, dili na kinahanglan kuhaon ang smartphone sa biktima og dikitan lang kini ug makawat na dayon ang kwarta gikan sa e-wallets.