Andam na ang Gilas Pilipinas Women’s team sa ilang pagpakigbatok sa umaabot nga FIBA World Cup Qualifying Tournament nga ipahigayon didto sa France.
Sumala sa report, dako ang pagsalig sa tibuok delegasyon nga makahatag sila og maayong dula batok sa mga lig-on nga koponan gikan sa nagkalain-laing nasod. Gipangulohan ang team sa ilang mga sinaligang players nga hugot nga nag-ensayo aron masiguro ang ilang kondisyon sa lawas ug abilidad sa dula.
Kini nga qualifying tournament importante kaayo alang sa mga Pinay ballers tungod kay kini ang dalan aron makakuha og slot sa prestihiyosong FIBA Women’s Basketball World Cup. Bisan pa man og giila nga “underdogs” ang Pilipinas batok sa mga higanteng nasod sa basketbol, determinado ang Gilas Women nga ipakita ang “pusong Pinoy” sa international court.
Gilauman usab ang suporta sa mga Pilipino, ilabi na kadtong mga anaa sa France, aron madugangan ang moral sa atong mga magdudula samtang sila nakig-atbang sa labing maayong mga koponan sa kalibutan.