- Advertisement -
Napakyas ang Gilas Pilipinas sa pagpildi sa New Zealand Tall Blacks, 66-69, sa second window sa FIBA Basketball World Cup 2027 Asian Qualifiers sa Mall of Asia Arena karong gabii, Pebrero 26.
Mao kini ang unang kapildihan sa Philippine National Team sa qualifiers human sa 2-0 nga sweep batok sa Guam sa first window.
Si Max Darling maoy nangulo sa New Zealand sa iyang 11 puntos, samtang si Sam Mennenga mitala og double-double performance nga may 10 puntos ug 14 ka rebounds.
- Advertisement -
Sa Gilas, gipangulohan ni Dwight Ramos pinaagi sa iyang 16 puntos, ug si CJ Perez adunay 15 puntos.
Si Coach Tim Cone ug ang national team sunod makigsangka sa Australia karong Domingo sa samang venue.
- Advertisement -