Magsugod na sa Lunes, Hulyo 7, sa pagbansay ang Gilas Pilipinas isip sa preparasyon sa 2025 FIBA Asia Cup.
Matud pa ni Gilas Coach Tim Cone, nga ang orihinal nga plano mao mao ang pagsugod sa Hunyo 30, apan tungod sa mga kalit nga mga aberya, nakadesisyon kini nga ibalhin kini ug sugdan na lang sa Hulyo 7.
Gikaingong duna kini matag semana nga pagbansay hangtod nga makompleto na ang tanang magdudula.
Isa nga bahin sa preparasyon ang send-off friendly match kontra sa Macau Black Bears nga ipahigayon sa Hulyo 28 sa Araneta Coliseum.
Miluwat usab si Al Panlilio, Samahang Basketbol ng Pilipinas (SBP) President, nga dakong tabang ang mga tune-up games gikan sa mga laing nasud alang sa Gilas Pilipinas.
Gikaingong makasangka sa Gilas Pilipinas ang New Zealand, Chinese Taipei, ug Iraq sa group stage nga magsugod sa Agosto 5 hangtod 17 sa Jeddah, Saudi Arabia.