Gihimakak sa China ang alegasyon nga ilang gigamitan og laser ang usa ka eroplanong panggyera sa Germany.
Matud sa Germany, nagsalmot ang ilang pwersa sa usa ka operasyon nga gipangulohan sa European Union aron protektahan ang mga barko nga molabay sa Red Sea batok sa mga atake sa Houthi rebels, apan naigo sila og laser nga naggikan sa barko sa China.
Tungod sa insidente, gipatawag sa German foreign ministry ang Chinese ambassador , ug apil usab nga gipatawag ang ambassador sa China sa European Union.
Ang Chinese warship nakita na sa makadaghang higayon sa mga pwersa sa Germany, ug adunay komunikasyon ang ilang eroplano niini.
Tungod sa maong insidente , napugos ang German fighter jet nga mobalik sa ilang military base nga nahimutang sa nasud sa East Africa.
Matud sa EU foreign policy spokesperson nga si Anouar El Anouni, ang maong insidente usa nga naghatg og kabalaka ug nagpakita og seryosong tensyon sa relasyon tali sa EU ug China.