Gipasa na sa mga magbabalaod sa Germany ang usa ka balaodnon aron madugangan ang gidaghanon sa mga sundalo.
Subay kini sa mga panawagan gikan sa daghang nasud sa Europa nga dugangan ang gidaghanon sa mga sundalo aron mapalig-on ang pagkontra sa tensiyon nga gidala sa Russia.
Ang kontrobersyal nga balaodnon nakakuha og 323 ka mga magbabalaod nga mipabor, samtang adunay 272 ang misupak ug usa ang ni-abstain.
Gusto sa Germany nga dugangan ang kusog militar niini ngadto sa 260,000 gikan sa kasamtangang 180,000.
Gawas sa pa niini ang dugang 200,000 ka mga reserba ang idugang sa tuig 2035.
Ang balaudnon nag-ingon usab nga ang mga rekrut mahimong bayran og $3,000.
Sa bag-ong sistema, pangutan-on ang 18 anyos nga mga lalaki kung interesado ba kini nga magserbisyo isip mga sundalo ug sa Hulyo 2027, ang tanan nga 18 anyos nga mga lalaki ipailwom sa mandatory military examinations.