Gisuportahan ni Senador Sherwin Gatchalian ang pagrepaso sa Oil Deregulation Law aron mapalapdan ang gahum sa gobyerno sa pag-regulate sa presyo sa petrolyo, ug nakapasa na kini og sugyot balaodnon nga mag-amendar sa kasamtangang polisiya.
Giila sa senador nga ang sektor sa transportasyon ang labing naapektuhan sa pagsaka sa presyo sa lana, apan giingon niini nga kinahanglan balansehon sa gobyerno ang pagtabang sa publiko ug pagmintinar sa kita, hilabina nga ang pagtangtang sa excise tax ug VAT mahimong makaapekto sa pondo sa subsidy ug serbisyo.
Kahinumdoman usab nga giaprobahan na sa Kongreso ang sugyot nga motugot kang Presidente Ferdinand “Bongbong” Marcos Jr. sa temporaryong pagsuspinde sa excise tax kung gikinahanglan.
Alang sa long-term solution, giawhag ni Gatchalian ang paggamit sa electric ug hybrid vehicles aron maminusan ang pagsalig sa imported nga lana.