Fuel rationing, solusyon sa krisis sa lana, dili lockdown- Sen. Gatchalian

Giinsistir ni Senador Sherwin Gatchalian nga ang fuel rationing kinahanglan ipatuman taliwala sa nagpadayon nga krisis sa lana ug dili lockdown.

Sumala sa senador, importante nga palapdan ang nahabilin nga suplay sa petrolyo samtang wala pa’y klaro nga tinubdan sa dugang nga suplay, aron malikayan ang mas dako nga epekto sa ekonomiya sa nasud.

Giklaro usab ni Gatchalian, nga walay rason nga mahadlok ang publiko sa posibleng lockdown.

Dugang pa niini, nga ang trabaho ug ang ekonomiya nagpabilin nga lig-on, apan ang maampingong paggamit sa lana gikinahanglan samtang nagpadayon ang tensyon sa Middle East.