Padayon ang implementasyon sa Flood Control Projects sa Barangay 9 sa Syudad sa Malaybalay subay sa gihimong mga lakang sa gobyerno aron malikayan ang pagbaha sa maong lugar. Kini ang gipadayag ni Barangay Kapitan Dexter Gamo atol sa pakighinabi sa Bombo Radyo Malaybalay.Matod ni Kapitan Gamo, kasamtangang anaa na sa Phase 2 ang maong proyekto samtang nahuman na ang Phase 1 sa sayo ning tuiga.
Bisan pa man, wala pa kini na-turn over sa ilang barangay tungod kay wala pa’y insaktong schedule alang sa pormal nga pagbalhin sa katungdanan sa maong estruktura.Gihisgutan usab ni Pabillaran nga kaniadto wala pa’y nakalatid nga pondo alang sa flood control ug tungod niini, nakasinati og pagbaha ang pipila ka bahin sa ilang barangay, ilabi na panahon sa kusog nga ulan.
Sa laing bahin, gipasabot ni Kapitan Gamo nga walay iregularidad nga nakita sa lokal nga implementasyon sa proyekto, labi na sa aspeto sa budget. Lahi matud pa ang kahimtang sa local nga implementasyon kung itandi sa ubang isyu sa korapsyon gikan sa national government.Gilauman nga pinaagi sa padayon nga pagpatuman sa flood control projects, mas maprotektahan ang mga residente sa Barangay 9 batok sa hulga sa pagbaha sa umaabot nga mga katuigan.