Padayon ang pagmonitor ni First Lady Liza Marcos sa mga pagpangandam sa nasud sa Pilipinas isip ASEAN Chair sa 2026.Sa usa ka social media post, gipaambit sa first lady ang pipila ka mga miting nga iyang gipangulohan may kalabutan sa mga preparasyon alang sa mga kalihokan sa ASEAN nga pagahimoon sa nasud.
Lakip sa iyang mga gibisitahan ang Coconut Palace, nga usa sa mga gikonsiderar nga lugar para sa ASEAN Summit ug uban pang may kalabutan nga mga kalihokan.
Gibisita usab sa First Lady ang Likhang Filipino Center ug ang Pasig River Esplanade isip kabahin sa pagsiguro nga andam ug hapsay ang mga lugar nga gamiton sa pag-host sa Pilipinas.
Matud pa niini, ang tumong sa pagbisita sa Pasig River Esplanade mao ang pagsusi kung unsa pa ang mahimo aron mas mapalimpyo ug mapanindot ang lugar isip kabahin sa pagpangandam sa nasud alang sa ASEAN 2026.