- Advertisement -
Gitinguha sa Filipina amateur golfer nga si Rianne Malixi nga sugdan ang iyang kampanya sa 2026 sa lig-on nga paagi samtang makigtigi siya sa Women’s Amateur Asia-Pacific (WAAP) Championship nga magsugod karong Huwebes sa Royal Wellington Golf Club sa New Zealand.
Ang 18-anyos nga si Malixi anaa sa ika-21 nga puwesto sa World Amateur Golf Ranking.
Sa 2025, nakasinati siya og problema sa likod (back injury) ug napakyas makasulod sa podium sa panahon nga nirepresentar siya sa Pilipinas sa 33rd Southeast Asian Games sa Thailand.
- Advertisement -
Sa WAAP karong tuig, atubangon ni Malixi ang 12 ka magdudula nga anaa sa top 50 sa world rankings, lakip ang defending champion nga si Jeneath Wong sa Malaysia.
- Advertisement -