Pormal nang gisumite sa Department of Public Works and Highways (DPWH) ug Independent Commission for Infrastructure (ICI) sa Office of the Ombudsman karong adlawa ang referral nga nagrekomenda sa pagsaka og kasong plunder, graft, ug direct bribery batok ni kanhi House Speaker Martin Romualdez ug Ako Bicol Party-list Rep. Zaldy Co.
Matud ni DPWH Secretary Vince Dizon, wala Ggilakip ang “online revelation video” nga gipagawas ni Co sa ilang isinumite.
Ang rekomendasyon nagsalig lamang sa mga dokumento ug ebidensiyang nakolekta sa ICI.
Bahin kini sa mas halapad nga imbestigasyon kabahin sa gikaingong iregularidad sa pipila ka proyekto sa imprastruktura.
Si Romualdez, nga naglingkod isip Speaker hangtod tuig 2024, dugay nang giila nga usa sa labing gamhanang lider sa House of Representatives.
Samtang si Zaldy Co, usa sa bantog nga mambabalalod ug kanhing miyembro sa Committee on Appropriations, dugay nang nalambigit sa mga alegasyon sa korapsyon, apan karon ra pormal nga naabot sa Ombudsman ang referral alang sa posibleng kaso.
Gilauman nga ang Ombudsman ang mohimog mas lawom ug hugot nga pagrepaso sa dokumento ug rekomendasyon sa DPWH ug ICI, sa dili pa magdesisyon kung aduna bay igong basihanan aron pormal silang pasakaan og kaso.