Gipahimangnoan ni Senate President Francis “Chiz” Escudero ang mga kontraktor sa maanomalyang flood control projects nga ipapreso kon dili motunga sa imbestigasyon sa Senado karong Setyembre 1.
Gipahibalo ni Escudero nga andam kini mopirma sa arrest warrant batok sa mga contractor nga supak sa subpoena ug dili motunga sa Blue Ribbon Committee hearing. Obligado silang motubag sa mga alegasyon sa “ghost” ug substandard nga proyekto.
Gisuportahan usab ni Sen. Joel Villanueva ang imbestigasyon ug gibutyag niini nga walay dapat santuhon sa maong isyu, bisan pa kongresista o senador ang malambigit.
Samtang, nalipay si Sen. Imee Marcos sa pagsalikway ni Rep. Leandro Leviste sa giingong suhol gikan sa usa ka district engineer sa Batangas. Nahatod na ang upat ka subpoena sa contractors sa Metro Manila, samtang gisunod na usab ang unom ka subpoena sa lain-laing probinsya.