Epekto sa giyera sa Iran, gikabalak-an sa mga grupo sa mga negosyante

Nagpadayag og kabalaka ang grupo sa mga negosyante sa nasud tungod makahatag og dako nga epekto sa panginabuhian  ang nagpadayon nga giyera sa Middle East.

Sumala sa Philippine Chamber of Commerce and Industry (PCCI), usa sa mahimong epekto niini mao ang pagsaka sa presyo sa krudo tungod kay ang Pilipinas nagkuha og suplay niini gikan sa maong rehiyon.

Nunot usab sa maong kasamok, posibleng mosaka ang inflation nga makaapekto sa purchasing power sa ordinaryong mga Pilipino.

Samtang ang grupo nga Federation of Philippine Industries (FPI) nanawagan sa gobyerno nga sigurohon ang igong suplay sa mga nag-unang paliton pinaagi sa pagbaton og buffer stocking ug hugot nga price monitoring.