Aprobado na sa kamara ang tanyag nga i-ban ang electronic sabong sa nasud gumikan sa dili maayong epekto niini sa katilingban. Sa boto nga 176, giaprobahan sa ikatulo ug ulahing pagbasa ang House bill 11254.
Saysay ni house representative Joel Villanueva, saksi matud pa kini kung giunsa paguba sa e-sabong ang daghang pamilya ug panginabuhi sa daghang pilipino. Sigon sa kongresista ang pagbawal sa maong kalihukan dili lamang legal apan may kalabutan kini sa moralidad sa matag indibidwal.
Gipunting niini, nga kinahanglan dili magpatigbabaw ang kahakog sa kwarya samtang daghan ang nagkalisud ug nakasinati og kagutom.
Dugang pa niini, sa dihang mapasa na ang maong balaod, hingpit nga ipatuman ang pagbawal sa bisan unsang platforms online mahitungod sa e-sabong. Mag-atubang og silot ug posibleng mabilanggo si bisan kinsa nga mag-operate og e-sabong gumikan ban na kini, subling ipamulta pa og mukabat sa kantidad nga P20M.