Gitawag sa usa ka eksperto sa balaod nga huyang ang kahimtang sa nasudnong ekonomiya sa Pilipinas.
Matud ni Atty. Oscar Moreno, usa ka inilang corporate lawyer ug law professor, gibutyag niini ang iyang kabalaka sa nagkagamay nga pagsalig sa mga investors tungod sa mga isyu sa transparency ug kompetisyon sa nasud.
Sumala pa kang Moreno, niubos ang ranggo sa Pilipinas sa Transparency Index, butang nga nagpakita nga mas nigrabe ang sitwasyon sa nasud. Kini nga pagkunhod miresulta sa pagkahilis o pagka-erode sa kredibilidad sa Pilipinas ngadto sa mga local ug foreign investors nga adunay labing dakong epekto sa ekonomiya.
Gipasiugda usab sa eksperto ang kamahinungdanon sa “tarong” o husto nga pagdumala sa mga lokal nga kagamhanan kon (LGU) aron masiguro nga mapanalipdan ang panginahanglan sa katawhan samtang padayon pang ginatuki ang mga isyung nasyunal.
Gipunting usab niini nga lubog ang gobyerno sa nasud sa Pilipinas, daghang isyu sa mga proyekto sa korapsyon ug labaw sa tanan wala pa maangkon sa katawhan ang tubag o kasulbarana sa maong problema.