Nagpadayon ang maayong dagan sa kampanya sa Pinay tennis star nga si Alex Eala human niya gipildi ang iyang kalaban gikan sa Japan nga si Himeno Sakatsume sa Round of 16 sa nagpadayon nga Philippine Women’s Open sa Rizal Memorial Tennis Center.
Bisan pa man og nakasinati og gamay nga kalisod sa unang set, gipakita ni Eala ang iyang kahanas ug kaisog aron makuha ang kadaugan pinaagi sa score nga 6-4, 6-0. Tungod niini, opisyal na siyang nakasulod sa quarterfinals sa maong torneyo.
Sa quarterfinals, gikatakdang makasangka ni Eala ang Colombian tennis player nga si Camila Osorio. Mapasalamaton si Eala sa suporta sa mga Filipino fans nga nitan-aw sa iyang dula ug nadasig siya nga ihatag ang iyang labing maayo aron makab-ot ang titulo sa iyang kaugalingong nasud.
Gilauman nga mahimong maanindot ang sunod nga dula ni Eala samtang gitinguha niya nga makaabante pa ngadto sa semifinals ug mapabilin ang garbo sa Pilipinas sa natad sa tennis.