Duha ka lalaki ang namatay samtang usa ang nakaluwas human sa nahitabong landslide sa Sitio Sawiki, Barangay Patpat, Malitbog, Bukidnon.
Sa eksklusibong pakighinabi sa Bombo Radyo Malaybalay kang PCPT Edgar Apog, hepe sa Malitbog Municipal Police Station, giingong nagpahigayon og treasure hunting ang mga biktima sa maong lugar, bisan pa sa kusog nga pag-ulan.Tungod sa kalig-on sa ulan, nihumok ang yuta ug misangpot kini sa landslide nga nakaresulta sa pagkabangin sa tulo ka kalalakin-an.
Duha niini ang nadakpan sa landslide ug wala na mabuhi. Ang ilang mga edad kay 41 anyos ug 53 anyos. Samtang usa ang maswerte nga nakaluwas, nga 49 anyos ang edad.Ang maong insidente nahitabo niadtong Agosto 25.
Pahimangno sa mga otoridad, likayan ang pagpahigayon og kalihokan sama sa treasure hunting ilabina panahon sa ting-ulan aron malikayan ang disgrasya ug kadaut sa kinabuhi.