Duha ka suspek sikop sa buy-bust operation sa Talakag, Bukidnon

Sikop sa kapulisan ang duha ka suspek, usa ka lalaki ug usa ka babaye, human madakpan sa usa ka buy-bust operation sa Sitio Dalongdong, Barangay Dominorog, Talakag, Bukidnon niadtong milabayng adlaw.

Nasakmit sa operasyon ang tulo ka heat-sealed transparent cellophane nga naglangkob sa puti nga kristal nga substansya nga gituohan nga shabu nga adunay gibug-aton sa 20.1 gramos, black wallet, identification cards, P2,265 nga kwarta, yabi, duha ka bottles nga liniment oil, ug usa ka sling bag. Ang kinatibuk-ang kantidad sa shabu gibana-banang mokabat sa P136,680.

Gidala ang mga nadakpan sa Talakag Municipal Police Station alang sa tukmang disposasyon.