Narekober sa Philippine Coast Guard ang dugang duha ka sako nga adunay “suspicious object ” nga nakuha sa Taal lake.
Giturn -over sa kustodiya sa Scene of the Crime Operative ( SOCO) ang mga nakuha nga mga sako.
Gibutyag ni Commodore Geronimo Tuvilla sa Philippine Coast Guard nga duha ka sako nga gituohang bukog sa mga nangawala nga mga sabungero ang nakuha sa maong area sa gipahigayun nga operasyon .
Dugang pa ni Tuvilla, nga naglisod ang ilang technical diving team tungod sa zero visibility, gikapakapa sa mga technical diving team ang nahimong search and retrieval operation.
Dugang pa ni Tuvilla, nga adunay sinker o pabug-at sama sa bato ang mga narekober nga sako diin nagresulta sa lisod nga paghaw-as niini sa ilawom sa tubig.
Nahimong malampuson ang gipahigayung ika tulo nga search and retrieval operation sa Philippine Coast Guard og padayunon kini sa musunod pa nga mga adlaw.