Patay ang duha ka Overseas Filipino Workers sa managlahing insidente sa Middle East.
Sa eksklusibong pakighinabi sa Bombo Radyo Malaybalay kang Nicole Bedtao, Bombo International Correspondent sa Saudi, gibutyag niini nga adunay usa ka lalaki, residente sa Mindanao nga nakabsan sa kinabuhi human aksidenteng mabanggaan sa Saudi Arabia.
Sumala sa impormasyon, gipili sa pamilya nga ihilom ang paghitabo ug nangayo og pribasiya gumikan nahilona na matud pa ang patayng lawas niini.
Samtang sa Kuwait, giila ang biktima nga si Grace Binauhan, babaye, ug residente sa Cavite, ang dead-on-the-spot human mabanggaan sa usa ka bus samtang padulong sa trabaho.
Matud ni Bedtao, kusog ang dagan sa bus ug kusog ang impak sa maong aksidente nga miresulta sa hinanaling kamatayon sa biktima.
Gibutyag usab ni Bedtao, nga sa iyang obserbasyon, mas gahatag pagrespeto ang babae sa Arab county kung gasuot kini og abaya diin gikatahong ang biktima wala kini nagsul-ob og abaya panahon sa insidente.
Kasamtangan, ginaproseso na sa mga otoridad ug sa Philippine embassy sa Saudi Arabia ang pag-uli sa mga patayng lawas ni Binauhan.