Gitutukan na karon sa kapulisan ang pipila ka “persons of interest” may kalabot sa duha ka kaso sa pagpamusil nga nahitabo sa siyudad sa Valencia niadtong miaging buwan sa Setyembre.
Sa eksklusibong pakighinabi sa Bombo Radyo Malaybalay kay Pmaj. Jayvee Babaan, tigpamaba sa Bukidnon Police Provincial Office naghulat na lamang sila sa pamilya sa biktima nga magpasaka og pormal nga kaso batok sa suspetsado.
Kahinomduman nga duha ka insidente sa pagpamusil ang nahitabo sa maong siyudad, lakip na ang usa ka kaso diin duha ka indibidwal nga nagsakay og motorsiklo ang giatangan ug gipusil sa Barangay Vintar.Samtang sa laing insidente, usa ka lalaki nga egg vendor ang nabiktima usab sa pagpamusil ug karon ga hulat nalamang sa usa ka witness nga magpagawas ug affidavit.