Gipaambit sa Departmeng of Labor and Employment sa Bukidnon nga ang dugang suhulan o minimum wage increase nga gipatuman sa ahensya usa sa pinakadako nga usbaw sa suhulan.
Matud ni Ruben Biado, Labor and Employment Officer sa DOLE Bukidnon, gibutyag niini ang dakong papel niini.
Dugang pa sa opisyal nga kini matud pa ang pinakadako nga dugang saka sa sweldo ug pinakapaspas nga gipatumang wage order tandi sa mga milabayng tuig.
Gibug-atan usab ni Biado nga bisan pa ug dako nga kantidad ang maong usbaw, magpabilin gihapon kining gamay alang sa pipila gumikan sa mahal nga presyo sa mga palaliton ug ubang produkto.
Dugang pa ni Biado adunay duha ka kategorya sa pagpatuman sa maong suhulan diin nakadepende ang gidak-on nga idugang sa sweldo kung asa nahimutang nga kategorya ang lugar nga gikahimutangan.