DTI , gianunsyo nga walay pagsaka sa presyo sa mga basic commodities

Walay pagsaka sa presyo daghan sa mga basic commodities, sumala sa Department of Trade and Industry (DTI).

Gi-anunsyo sa DTI nga siyam sa matag napulo ka basic goods sa tibuok nasud magpabilin sa parehas nga presyo.

Matud sa ahensya, 186 sa kinatibuk-ang 205 ka produkto o 92% sa basic necessities ug prime commodities ang wala’y pagtaas sa presyo.

Lakip niini ang sardinas, instant mami noodles, sabong panlaba, kandila, tinapay ug baterya.

Dugang pa ni Trade Secretary Cristina Roque, giako sa mga manufacturers ang mas mahal nga gasto sa raw materials, packaging, logistics ug uban pa, isip usa ka pamaagi aron mapanalipdan ang mga konsumidor, ilabi na sa panahon sa bagyo ug mga holidays.