Nagpalig-on sa price monitoring ang DTI Bukidnon batok sa posibleng overpricing sa mga palaliton kasunod sa pagsaka sa presyo sa lana. Sa pakighinabi sa Bombo Radyo Malaybalay kay Junar Merla ang Chief Consumer Protection Division Head, DTI Bukidnon , nakigkoordinar ang ahensya sa Provincial ug Local Price Coordinating Councils ug sa Department of Energy aron masiguro nga dili mosaka ang presyo sa basic necessities ug prime commodities lakip usab nga masiguro ang suplay sa mga produkto.
Gibutyag ni Merla nga magpatuman og joint price monitoring sulod sa usa ka semana, unahon ang mha syudad sa Bukidnon ug Munisipyo, aron mamonitor ang mga produkto sama sa petroleum ug LPG.
Bisan pa niini, wala pa namatikdi ang pagtaas sa presyo sa mga produkto nga sakop sa hurisdiksyon sa DTI tungod kay kinahanglan pa og aprobasyon sa Head Office, apan posible gihapon ang pagsaka sa ubang palaliton tungod sa domino effect sa fuel price increase.