DPWH Sec. Dizon, andam nga motestigo batok kang Zaldy Co

Andam nga mobarog isip testigo sa Sandiganbayan si Department of Public Works and Highways (DPWH) Secretary Vince Dizon sa higayon nga sugdan na ang pagdungog sa kaso batok sa kanhi kongresista nga si Elizaldy Co karong Enero 20.

Sumala sa Kalihim, normal lang kini tungod kay siya man ang nagpasaka sa reklamo sa daghang kaso batok sa kanhi miyembro sa AKO Bicol partylist.

Gipaniguro niya nga magpadayon ang ilang gihimong proseso ug ilang ipapanubag ang angay nga manubag.

Kahinumduman nga nalambigit si Co sa giingong mga “substandard” nga road dike project nga nahugno niadtong Hulyo, nga gihimo sa kompanya nga Sunwest Inc. sa Oriental Mindoro nga gikaingong may kalambigitan kaniya, ug nagkantidad kini og P289 milyones.