Giklaro ni Land Transportation Office 10 Director Nelson Manaloto nga nagpagawas na ug kamanduan karon ang Department of Transportaion and Railways kon DOTr na matag 6 kabulan na nga i-drug test ang mga drivers sa pampublikong sakyanan.
Ang galastuhan abagahon sa mga operators.Base sa department order gimanduan ang mga personahe LTO nga maglusad ug flagdown operations diha sa mga kalsada ingon man sa terminal aron masuta nga gasanong ang mga drivers.
Lakip na karon pangitaon sa ilang personahe ang original copy sa drug test result apan kung dili makapakita ang usa ka driver mamahimong hinungdan kini nga dili na madrive, isyuhan usab ug show cause order ang operator nganong ilang gitugutan ang usa ka driver nga walay drug test result.
Kung makitaan ug kalapas ang operator musangpot kini sa kanselasyon sa prangkisa.Sa maong lakang karon sa DOTr, nagtoo si Director Manaloto nga makatabang kini aron nga maminusan na ang pagkalambiggit sa aksidente sa kalsada.